مزيج بين خفّة الكراب وبنّة اللازانيا إلّي يحبّوهم الصغار والكبار.
كراب لازانيا
![كراب لازانيا وصفة كراب لازانيا](https://vanoiserie.tn/wp-content/uploads/2023/02/crepes-lasagne.jpg)
![](https://vanoiserie.tn/wp-content/uploads/2023/03/icon-preparation.jpg)
وقت التحضير
30دق
![](https://vanoiserie.tn/wp-content/uploads/2023/03/icon-portions.jpg)
حصص
4
![](https://vanoiserie.tn/wp-content/uploads/2023/03/icon-cuisson.jpg)
وقت الطبخ
45دق
![](https://vanoiserie.tn/wp-content/uploads/2023/03/icon-type.jpg)
نوعيّة
وصفات فيديو, وصفات مالحة
![](https://vanoiserie.tn/wp-content/uploads/2023/03/icon-temps-total.jpg)
الوقت الإجمالي
75دق
![](https://vanoiserie.tn/wp-content/uploads/2023/03/icon-style.jpg)
ستايل
ستايل متجدّد
مكوّنات
- باكو خليط كراب
- 1 عضمة
- 1 ل من الحليب البارد
- 2 مغارف كبار زيت زيتون
- 2 فصوص ثوم
- 500 غ لحم مفروم
- أعشاب للتفويح من اختيارك
- ملح و فلفل أكحل
- 500 غ من صلصة طماطم فرشكة
- 50 غ زبدة
- 3 مغارف كبار فارينة
- 200 غ جبن مرحي
مراحل التحضير
تحضير عجينة الكراب:
- نصبّو خليط الكراب في صحفة.
- نزيدو عضمة ونخلطو.
- نزيدو ½ لتر حليب بالتدريج ونخلطو لمدة دقيقة حتى يولّي الخليط متجانس.
- ندهنو القلاية بالزبدة وما ننساوش الأحرف.
- نصبو مغرفة من الخليط في الوسط و نحاولو نوزعوه على القلاية الكل.
- نطيبوا الكراب على الشيرتين.
تحضير صلصة البولونيز:
- في طنجرة كبيرة، نسخنو زيت الزيتون على نار متوسطة.
- نزيدو الثوم المفروم ونقلّيوه لمدة دقيقة حتى تفوح ريحتو.
- نزيدو اللحم المفروم ونطيبوه حتى يولّي لونو بنّي. نفوحوه بالأعشاب والملح والفلفل.
- نصبو صلصة الطماطم ونخلّيوها على نار هادية لمدة 30 دقيقة تقريب و نقعدو نحركو في كل مرّة.
تحضير صلصة البشاميل:
- نذوبو الزبدة في القلاية على نار متوسطة الحرارة. نزيدو الفارينة و نحركو حتّى تولي عجينة شادة بعضها
- نطيبوها لمدة دقيقتين تقريبًا حتى يولّي الخليط لونها بنّي ذهبي.
- تدريجيًا، نصبو نصف لتر من الحليب و نخلطو باش نتجنبو تكون الكتل.
- نخلّيو صلصة البشاميل تغلي على نار هادية حتّى تولّي عاقدة و نكملو نحركو .
- نفوحو بالملح والفلفل أكحل.
- وقتلّي تولّي صلصة البشاميل عاقدة و شادة روحها، نحيوها من النار.
- ناخذو كعبة كراب نحطو في وسطها صلصة البولونيز في وسطها.
- نطويو الجوانب ونلفوها كيما موجود في التصويرة ونكملو البقيّة بنفس الطريقة.
- نحطوهم في طبق متع فور ونصبو فوقهم صلصة البشاميل ونرشو من الفوق جبن مرحي
- نطيبوهم في الفور لمدة 10 دقائق على درجة حرارة 180.