إكتشف وصفة المسفوف التّونسية البنينة و إلّي تحضيرها ساهل برشة تمتّع بهذا المزيج من السميد والزبيب المثالي لوجبات الفطور وإلا الوجبات الخفيفة.
مسفوف
![مسفوف وصفة مسفوف](https://vanoiserie.tn/wp-content/uploads/2023/03/masfouf.jpg)
![](https://vanoiserie.tn/wp-content/uploads/2023/03/icon-preparation.jpg)
وقت التحضير
10دق
![](https://vanoiserie.tn/wp-content/uploads/2023/03/icon-portions.jpg)
حصص
6
![](https://vanoiserie.tn/wp-content/uploads/2023/03/icon-cuisson.jpg)
وقت الطبخ
20دق
![](https://vanoiserie.tn/wp-content/uploads/2023/03/icon-type.jpg)
نوعيّة
وصفات حلوة, وصفات فيديو
![](https://vanoiserie.tn/wp-content/uploads/2023/03/icon-temps-total.jpg)
الوقت الإجمالي
30دق
![](https://vanoiserie.tn/wp-content/uploads/2023/03/icon-style.jpg)
ستايل
ستايل تقليدي
مكوّنات
- 1 كيس من خليط كريمة نكهة العطرشية
- نصف لتر حليب
- 3 إلى 4 مغارف كبار سكر
- 500 غ كسكسي أرطب
- 3 مغارف كبار زيت
مراحل التحضير
بالنسبة للكسكسي :
- نصبو الكسكسي في صحفة ونزيدوه زيت.
- نبلّوه شويّة بالماء البارد و نخلطو حبّات الكسكسي بين الصوابع.
- نصبو كل شيء في الجزء العلوي من الكسكاس.
- نعبيو الجزء السفلي من الكسكاس بالماء المغلي ونطيبو الكسكسي لمدة 15 دقيقة حتى يتعدّى فيه البخار.
- بعد نصبّو كميّة صغيرة من الماء المغلي مباشرة على حبّات الكسكسي.
- نحلّو حبّات الكسكسي ونهويوهم في صحن كبير.
- نعاودو نطيبوه في الكسكاس لمدة 15 دقيقة أخرى، حتى يتعدّالو البخار.
بالنسبة للكريمة :
- نصبو محتوى كيس خليط الكريمة نكهة العطرشيّة في كسرونة
- نزيدو نصف لتر من الحليب و3 إلى 4 مغارف كبار من السكر.
- نحركو الخليط على نار هادية حّتى نتحصلو على كريمة ناعمة.
بالنسبة للتنسيق :
- نخلطو الكسكسي مع الفواكه الجافة والسكر حسب الرغبة.
- في كاس، نحطو طبقة من الكسكسي، بعد طبقة من الكريمة.
- نزيدو طبقة ثانية من الكسكسي الفوق.