للجنواز :

1. نتبعو التعليمات الموجودة على الباكو الخاص بكل منتج.

لكريمة التيراميسو :

1.  نفصلو الأبيض عن أصفر عضم. نركضو أصفر العضم مع السكر في صحفة حتى لين يولّي لون الخليط مستبيض. نزيدو الماسكاربون، بعد نحركو حتّى لين تحصلي على كريمة ناعمة وشادة روحها.
2.  نركضو أبيض العضم بالخلاط الكهربائي حتّى يولّي شادد روحو . نزيدها بالشويّة لخليط الأول ونخلطو بلطف حتّى نتحصلو على كريمة متجانسة ودار فيها لهواء.

للتنسيق :

1. نقصو الجنواز باردة إلى طبقتين.
2. نحطوا الطبقة الأولى من الجنواز في قاع الكاس إلي بش تقدم فيه التيراميسو ونزيدو فوقها القهوة بعد نزيدو الكريمة.
3. نعاودو نفس العملية مرة أخرى.
4. نحطوها في الثلاجة لمدة ساعة على الأقل.
5. وقت التقديم نرشو فوقها كاكاو.