بينيي بالكريمة

وصفة بينيي بالكريمة

وقت التحضير

120دق

حصص

12

وقت الطبخ

5دق

نوعيّة

وصفات حلوة

الوقت الإجمالي

125دق

ستايل

ستايل جديد

مكوّنات

300 غ من الفارينة
30 غ من سكر محور
1 عضمة و1 أصفر عضم
90 مل حليب
4 غ من خميرة الجافة الفوريّة
20 غ من الزبدة الطريّة
5 غ من الملح
1 مغرفة سكر نكهة الزهر
1 كريمة تحلية نكهة الفانيليا
30 غ من الزبدة
زيت للقلي
30 غ من السكر

مراحل التحضير

في صحفة، نحطو 100 غ من الفارينة، الخميرة الجافة الفوريّة و مغرفة كبيرة من السكر ونخلطوهم .
نزيدو 90 مل من الحليب الدافئ ونخلطو حتّى يولّي الخليط ناعم، بعد نغطّيو الصحفة. بورق بلاستيك غذائي ملتصق و نخليوه يخمر لمدة 30 دقيقة تقريبًا في بلاصة دافية.
نزيدو الخليط إلّي خمر في صحفة مع العضم المركوض بالفرشيطة والسكر المحور والفارينة إلّي تبقات والسكر بنكهة الزهر وزبدة طريّة ونعجنو لمدة 10 دقائق تقريبا لين نتحصلو على عجينة متجانسة تتلصق شويّة
نزيدو الفارينة تدريجيًا بمقدار ملعقة صغيرة حتى نتحصلو على القوام المطلوب إلّي يشبه إلى حد كبير عجينة البريوش الناعمة.
نحطو العجينة في صحفة، بعد نغطيوها بورق بلاستيك غذائي ونخليوها ترتاح في بلاصة دافية لمدة ساعة ونصف تقريباً.
نحضرو كريمة التحليّة بنكهة الفانيليا، نزيدو الزبدة ونخلطو بعد نغطيوها بورق بلاستيك غذائي، و نخلّيوها على جنب في بلاصة باردة.
بعد ما تخمر العجينة، نقسموها ل 12 كورة.
نحطو كرات العجين في طبق مغطّي بورق الطهي، و نخلّيو مسافة بيناتهم على خاطر باش يتنفخو
نخلّيو البينيي تنتفخ لمدة 10 دقائق تقريباً.
نسخنو زيت القلي في كسرونة،
نقليو البينيي، و نقلبوهم في نصف طياب، بعد نحطوها في ورق تنشيف.
نعملوا ثقب صغير في جانب كل قطعة بينيي ونحطو كريمة التحليّة باستخدام كيس تزيين المعجنات.
نغلفو البينيي بالسكر.