إكتشف وصفة فرازياي بالفستق الرائعة الفستق والفراز مع بعضهم بنّة غير عاديّة متعة كبيرة لأصحاب القلوب الحساسة من البنّة!
فرازياي بالفستق
وقت التحضير
140دق
حصص
1
وقت الطبخ
55دق
نوعيّة
وصفات حلوة, وصفات فيديو
الوقت الإجمالي
195دق
ستايل
ستايل جديد
مكوّنات
- 1 كيس من خليط جنواز
- 100 مل حليب
- 7 عضمات
- 100 مل كريمة طازجة سائلة
- 1 مغرفة كبيرة كريمة فستق
- 100 غ جبن أبيض
- 90 غ سكر محور
- 1 مغرفة كبيرة فارينة
- رشة ملح
- 300 غ فراولة
- 50 غ فستق مرحي
مراحل التحضير
- نسخنو الفور 160درجة مئوية.
- نخلطو محتوى الكيس مع 3 عضمات و100 مل من الحليب ( أو 100 مل ماء) بالخلاط الكهربائي لمدة 3 دقائق بأقصى سرعة.
- ندهنو القالب بالزبدة (قالب دائري قطره 25 سم) ونصبو الخليط.
- نطيبو الجنواز في الفور لمدة 45-50 دقيقة. تجنبو انكم تحلّو الفور وقت التطييب بعد ما تطيب نخلّيوها تبرد لمدة 10 دقائق قبل ما نخرجوها من القالب.
- نفصلو الأبيض عن أصفر متع 4 عضمات، ونخلّيو الأبيض على جنب.
نحطو الأصفر في صحفة، ونزيدو الجبن الأبيض، والكريمة الطازجة السائلة، وكريمة الفستق، والفارينة. - نخلطو كل شيء ونطيبوه على نارهادية مع التحريك بإستمرار حتى تعقاد الكريمة (ما نخليوهاش تغلي). نخليوها تبرد.
- في الوقت إلّي تبرد فيه الكريمة، نركضو أبيض العضم مع شوية ملح حتّى تولّي شادة روحها. نزيدوه السكر المحور و نكملو نركضو.
- نزيدو لخليط أبيض العضم، الكريمة باردة (أما موش المجمدة) إلّي حضرناها من قبل و نخلطو بالشويّة . في المرحلة هاذي، باش يكون قوام الخليط كريمي موش موس.
- نقصو 6 دائرات من الجنواز باستخدام قالب دائري. في صحن صغير، نحطو قالب صغير مدور ونحطو فيه دائرة من الجنواز .
- نغسلو الفراز، بعد نقصوه إلى نصفين. نرتبو أنصاف الفراز على الجنواز، على طول دائرة الجنواز (الأجناب متع الجنواز)، ونحطو كعبة فراز كاملة في وسط الجنواز.
- نغطيوها بكريمة الفستق ونستويوها من الفوق.
- نحطوها في الفريجيدار ساعتين على الأقل.
- وقتلي تولّي حاضرة للتقديم، نحّيو القوالب.
- نزينو بالفستق المرحي من الفوق.