تحضير الكراب:

1. نصبّو خليط الكراب في صحفة.
2. نزيدو العضمة ونخلطو.
3. نزيدو ½ لتر حليب بالتدريج ونخلطو لمدة دقيقة حتى يولّي الخليط متجانس.
4. ندهنو القلاية بالزبدة وما ننساوش الأحرف.
5. نصبو مغرفة من الخليط في الوسط و نحاولو نوزعوه على القلاية الكل.
6. نطيبوا الكراب على الشيرتين.

تحضير الحشو:

1. نسخنو البصل المقطّع مع شوية زيت. مبعد نزيد الفطر المفروم. نحركوهم بالباهي و نفوحهم بالملح والفلفل و نخليهم حتى يتحمّرو.
2. نحّيوها مالڨاز، نزيدو الزيتون، المعدنوس المفروم والتن. ونخلّط الحشو.

تحضير البشاميل:

1. نذوبو الزبدة على نار خفيفة في كسرونة. وقتلّي تذوب الزبدة الكل، نزيد الفارينة ضربة وحدة. نخلطو حتّى نتحصلو على كعبورة. بعد نصبو الحليب بالشويّة بالشويّة ونخلطو في نفس الوقت بالخلاط اليدوي.
2. نطيبو على نار هادية لمدة 10 دقائق تقريبًا مع التحريك باستمرار حتى تولي صلصة البشاميل ناعمة ومتماسكة.
3. نحيو الكسرونة من النار، و نزيدو رشّة جوز الطيب, الملح والفلفل الأكحل حسب الرغبة، و نخلطو.

للتنسيق

1. ناخذو كعبة الكراب، ونزيدو زوز مغارف كبار من الحشو زوز مغارف كبار البشاميل.
2. نلفو الكراب ثلاث مرات باش تتسكر .
3. نعاودو نفس العملية لبقية الكراب.
4. ندهنو طبق الفور بالزبدة ونحطو الكراب في طبق متع فور
5. نصبو باقي البشاميل فوق الكراب.
6. نحطو الكراب في فور مسخن قبل على درجة حرارة 200°.
7. نخرجوها من الفور ونحطو الجبن المرحي من الفوق ونحطوها في الفور مرة أخرى لمدة 5 دقائق.