تحضير عصيدة الكاكوية : 

1. في صحفة، صب زبدة الكاكاوية، الفارينة، 500 مل حليب والماء.
2. خلط الكل بالركاضة اليدوية حتى تولي العجينة شادة روحها.
3. كان لازم زيد الماء باش تشد روحها
4. سخن الخليط على نار متوسطة و أقعد حرك.
5. أقعد حرك وهي فوق النار باش متتكعبرش
6. زيد السكر وكمل حرك حتى يدخل في الخليط
7. كمل طيبها حتى تولي كريمة ناعمة
8. نحي الخليط من النار وخليه يبرد شوية.
9. صب العصيدة في كيسان.

تحضير الكريمة : 

1. صب في صحفة خليط الكريمة بنكهة الفانيليا
2. زيد 500مل حليب والسكر
3. خلط المكونات مليح في الصحفة.
4. سخن الخليط على نار متوسطة.
5. حركها بالباهي حتى تشد روحها وتولي كريمة ناعمة
6. نحي الخليط من النار
7. صب الكريمة فوق العصيدة وزينها بكاكاوية مهروشة.