المنتجات المستعملة
نوعيّة الوصفة
وقت التحضير
زوزة كراميل
وقت التحضير
10دق
حصص
10
وقت الطبخ
60دق
نوعيّة
وصفات حلوة
الوقت الإجمالي
70دق
ستايل
ستايل تقليدي
مكوّنات
- 500 غ من الفارينة
- 200 غ زبدة
- 2 عضمات
- 180 غ سكر
- 1 خميرة الحلويات
- 1 سكر نكهة الفانيليا
- صلصة تحلية نكهة الكراميل
- رشّة ملح
- 100غ جوز
مراحل التحضير
- نركضو بالركاضة اليدويّة في صحفة الزبدة الطرية مع السكر وسكر الفانيليا و نزيدو العضم بالكعبة بالكعبة ونكملو نخلطو حتّى نتحصلو على قوام كريمي.
- نصفيو الفارينة و الخميرة والملح مع بعضهم، بعد نزيدوهم للخليط ونخلطو حتّى نتحصلو على عجينة ناعمة وطرية.
- نحطو العجينة في الفريجيدار لمدة 15 دقيقة، بعد نشكوهم على شكل كرات بحجم الزيتونة.
- ندهنو قالب الزوزة بالزيت، بعد نسخنوها على الجانبين.
- نحطو كعابر العجين في كل بلاصة متع زوزة و نسكرو القالب.
- نطيبوا الزوزة على نار هادئة و نقلبو القالب من وقت لآخر حتى تولّي لونها ذهبي.
- نحيو القالب من النار ونستعملو سكين بش نظفوا الأحرف .
- ناخذو نصف كعبة الزوزة و نعبيوها بصلصة تحلية نكهة الكراميل ونحطو فوقها نصف كعبة جوز.
- نغطّيو بنصف الزوزة الأخرى و نسكروها و هكّاكة نتحصلو على كعبة زوزة.