حمصيّة – غريبة حمص
وقت التحضير
60دق
حصص
10
وقت الطبخ
20دق
نوعيّة
وصفات حلوة
الوقت الإجمالي
80دق
ستايل
ستايل تقليدي
مكوّنات
- 500 غ من فارينة الحمص معرّج
- 180 غ فارينة
- 2 مغارف صغار نشاء الذرة
- 90 غ من زبدة ذايبة ومصفيّة
- 90 مل زيت
- 150 غ من السكر محور
مراحل التحضير
- نخلطو الفارينة ونشاء الذرة وفارينة الحمص معرّج والسكر في صحفة.
- نعملوا حفرة صغيرة في الوسط ونصبوا الزبدة الذايبة والزيت.
- نخلطو باليدين.
- نعديو العجينة في الرحّاية مرتين.
- بعد الرحي، ناخذو كميّة صغيرة من العجين في اليدين ونعجنوها بالشويّة حتى توصل لدرجة حرارة اليد.
- نلفو العجينة على شكل كرة قطرها حوالي 1 صم.
- نقطعوها إلى قطع بطول 4 صم تقريبًا.
- تنجموا تزينو الغريبة بالسكين والفواكه الجافة أوغيرها.
- نطيبوها في الفور على حرارة 160 درجة مئوية لمدة 20 دقيقة.
- نخبيو الغريبة في حكّة محكمة الإغلاق.