تحضير كايك نكهة الشكولاطة:

1. نسخنو الفور 180 درجة مئوية.
2. نخلطو محتوى الكيس مع 3 عظمات و100 مل من الحليب و100 غ من المرڨرين (أو الزبدة) بالخلاط الكهربائي لمدة 3 دقائق على السرعة القصوى.
3. نزيدو حبّات الشكلاطة ونخلطو لمدة دقيقة.
4. ندهنو القالب بالزبدة ونصبوا الخليط.
5. نطيبوا الكايك لمدة 35-45 دقيقة.
6. بعد ما تطيب نخلّيوها تبرد لمدة 10 دقائق قبل ما نخرجوها من القالب.

تحضير كريمة التزيين :

1. في كسرونة، نسخنو 200 غ من السكر على نار متوسطة منغير ما نقلبو حتى يبدا يذوب.
   كي يبدأ السكر يذوب، نحركوه بالشوية باش نضمنو إلّي هو ذاب بشكل متساوي.
2. نكملو نسخنو حتّى نتحصلو على كراميل ذهبي.
3. نحيو الكسرونة من النار ونزيدو بالشويّة 100 مل من الكريمة الطازجة السائلة.
   في المرحلة هذي رد بالك على خاطر الخليط باش يغلي بالقويل.
4. نرجعو الكسرونة للنار ونحركوها حتى المكونات تتخلط.
5. نذوبو 100 غ من الشكلاطة الداكنة في حمام مائي.
6. نزيدو الكراميل لكريمة الشكلاطة الذايبة، ونقعدو نحركو بإستمرر حتّى يولّي الخليط ناعم.
7. نزيدو 50 مل من الحليب إلى خليط الكراميل والشكلاطة ونكملو نحركو حتى تولي كريمة التزيين ناعمة وشادة روحها شويّة.
8. نصبّو كريمة التزيين فوق كايك الشكلاطة.