المنتجات المستعملة
نوعيّة الوصفة
وقت التحضير
لاير كايك
وقت التحضير
30دق
حصص
6
وقت الطبخ
25دق
نوعيّة
وصفات حلوة, وصفات فيديو
الوقت الإجمالي
55دق
ستايل
ستايل جديد
مكوّنات
- 700 مل حليب
- خليط كريمة الشانتيي
- 150 غ مارغرين
- 2 من خليط كريمة نكهة البوفريوة
- 6 مغارف سكر
- 3 عضمات
- 1 باكو من خليط جنواز نكهة الشكلاطة
- فراز للتزين
مراحل التحضير
- في طنجرة، نصبو 500 مل حليب و6 مغارف سكر و2 من خليط الكريمة بنكهة البوفريوة ونحركوها على البارد بعد نطيبوها علي نار هادية
- كى طيب نصبوها في صحفة ونغطيوها بورق بلاستيك غذائي ونخليوها تبرد
- باش نحضرو الكرام موسلين نحطو 150غ مارغرين مع الكريمة بنكهة البوفريوة ونحركوهم بالخلاط الكهربائي لمدة 10 دقايق ونخليوها تبرد
- باش نحضرو الجنواز نتبعو الخطوات المذكورة في الباكو.
- نوزعو الخليط على طبق الفور المغطي بورقة الطبخ وندخلوها للفورعلي 160 درجة مئوية لمدة 20 دقيقة ) تجنبو انكم تحلّو الفور وقت التطييب (
- نخليوها تبرد 10 دقايق قبل ما نقصوها في كبرالمول اللّي باش تستعملوه
- في صحفة ، نخلط كيس متاع كريم شانتيي مع 100 مل حليب بارد ونحركوهم بالخلاط الكهربائي لمدة 3 دقايق
- نفرشو الطبقة الأولى من الجنواز فالمول ، ندهنوها بخليط ماء وعسل ونصبّو 1/3 من الكرام موسلين إلّي تحصلنا عليها نحطو الطبقة الثانية من الجنواز فوقها غاناش الشكلاطة وشوية بوفريوة مرحية
- نعاودو نفس الخطوات باش نعملو طبقة ثالثة من الجنواز وطبقة ثانية من الكرام موسلين وطبقة رابعة من الجنواز وطبقة ثالثة من الكرام موسلين باش نغطيو حروف الڨاطو ونخليوها تبرد في الفريجيدار لمدة 4 سوايع
- في اخر مرحلة نزينو الڨاطو بصوص الشكلاطة وفراز