إكتشف وصفة فوري نوار في فيرين بالفرومبواز، رقة الشوكولاطة الممزوجة بالفرومبواز… بنٌة و لا أروع !
المنتجات المستعملة
نوعيّة الوصفة
وقت التحضير

فوري نوار في فيرين بالفرومبواز


وقت التحضير
110دق

حصص
6

وقت الطبخ
20دق

نوعيّة
وصفات حلوة, وصفات فيديو

الوقت الإجمالي
130دق

ستايل
ستايل متجدّد
مكوّنات
- 1 كيس من خليط موس نكهة الشكولاطة
- 1 كيس من خليط فوندان نكهة الشكولاطة
- 1 كيس من خليط كريم الشّانتي
- 3 عضمات
- 80 مل ماء
- 100 غ من الزبدة الطريّة
- 315 مل حليب بارد
- 200 غ توت أحمر
- باكو مسحوق الكاكاو
مراحل التحضير
- نسخنو الفور 170-180 درجة مئوية (6-7 ترموستات).
- نخلطو محتوى الكيس مع 3 عضمات و80 مل من الماء و100 غ من مارڨرين طرية (أو زبدة) بالخلاط الكهربائي لمدة 3 دقائق بأقصى سرعة.
- ندهنو القالب بالزبدة (قالب دائري قطره 25 سم) ونصبو الخليط.
نطيبوه في الفور لمدة 20 دقيقة. - بعد ما تطيب نخلّيوها تبرد لمدة 10 دقائق قبل ما نخرجوها من القالب.
- نصبّو 115 مل من الحليب البارد في صحفة. نزيدو محتوى الكيس.
- نخلطوهم بالخلّاط الكهربائي لمدة 3 دقائق بأقصى سرعة.
- نصبو محتوى الكيس في صحفة
- نزيدو 200 مل من الحليب البارد ونخلطو باستخدام الخلاط الكهربائي لمدة 3 دقائق على السرعة القصوى، أو بالركّاضة اليدويّة لمدة 5 دقائق حتّى نتحصلو على القوام المطلوب
- نصبّوه في كيسان ونحطوه في الفريجيدار لمدة ساعة و نصف.
- نقصو عجينة الفوندان إلى مكعبات ونحطّوهم في الفيرين ،نعملو طبقة من كريمة الشّانتي و التوت الأحمر وطبقة من موس الشوكولاتة وطبقة أخرى من كريمة الشّانتي و التوت الأحمر وفالأخر نعملو رشة بمسحوق الكاكاو