إكتشف وصفة تيراميسو بالجنواز البنينة تمتّع بتحضير هذه المحليّات الإيطاليّة الدّسمة والبنينة. حاجة باهية للمورال، باهية برشا !
تيراميسو بالجنواز
وقت التحضير
20دق
حصص
2
وقت الطبخ
50دق
نوعيّة
وصفات حلوة, وصفات فيديو
الوقت الإجمالي
70دق
ستايل
ستايل متجدّد
مكوّنات
- خليط جنواز
- 100 مل حليب ( أو 100 مل ماء)
- 6 عضمات
- 250 غ ماسكربون
- 60 غ سكر
- رشة ملح
- قهوة قوية باردة
- 1 باكو مسحوق الكاكاو
مراحل التحضير
- نسخنو الفور 160درجة مئوية.
- نخلطو محتوى الباكو مع 3 عضمات و100 مل من الحليب ( أو 100 مل ماء) بالخلاط الكهربائي لمدة 3 دقائق بأقصى سرعة.
- ندهنو القالب بالزبدة (قالب دائري قطره 25 سم) ونصبو الخليط.
- نطيبو الجنواز في الفور لمدة 45-50 دقيقة. تجنبو انكم تحلّو الفور وقت التطييب
- بعد ما تطيب نخلّيوها تبرد لمدة 10 دقائق قبل ما نخرجوها من القالب.
- ناخذو 3 عضمات ونفصلو الأبيض على الأصفر
- في صحفة، نحطو 60 غ من السكر مع أصفر العضم نخلطو بالباهي بالخلاط حتى يولي الخليط متجانس وأبيض.
- من بعد، نزيود 250 غ من الماسكربون ونكملو نخلطو حتى يولي الخليط أرطب و كيما الكريمة.
- في صحفة أخرة، نخلطو أبيض العضم مع رشة ملح حتى يولي الخليط شادد روحو.
- نزيدو خليط أصفر العضم والماسكربون مع أبيض العضم و نخلطوهم بالسياسة
- لتجميع المكونات نقصّو الجنواز إلى طروف. نغطسوهم فيسع في القهوة الباردة ونحطّوهم في اللوطة في كيسان التقديم.
- نزيود طبقة من خليط الماسكربون فوق الجنواز المغطسة بالقهوة.
- نعاودو نفس الخطوات باش نعملو طبقة ثانية من الجنواز المغطسة في القهوة وطبقة ثانية من الماسكربون.
- نرشو مسحوق الكاكاو من الفوق للزينة